Kei te mihi a Tame Malcolm, kaiwhakahaere tuarua o Te Papa Atawhai, ki tētehi rangahau hou e pā ana ki te āhei o te paihamu ki te ako, me tana kī he mōhiotanga whai take tērā ki te pakanga paihamu.
E ai ki ngā kairangahau, ki a Emma Godfrey rātou ko Elissa Cameron ko Graham Hickling, i hoatu ki ngā paihamu tētehi panga me te kai ki roto hei whakatutuki mā rātou, ā, i mātakitakihia te mahi whakamātau nei e tētehi atu rōpū paihamu.
I te wā i hoatu ai te panga ki ngā paihamu mātakitaki, i oti wawe rātou i te wero nei. Hei tā ngā kairangahau, ko te anga whakamua he rangahau anō kia tirohia mēnā ka taea e ngā paihamu te ako ki te karo i ngā tārore me ngā poa, mā te mātakitaki i ngā mahi a te paihamu e tūpato ake ana te āhua.
