He rongoā rerekē ki Rotopiko

National Wetlands Trust

Atakohu Middleton Barney Manaia

Download Audio

Mā te raru anō te raru e whakatika? Koia te pātai nui kei mua i a Ngāti Apakura i te tuku o ngā kiore kaipuke e 50 ki roto i te taiapa haumaru o Rotopiko ki Ōhaupō.

Kua raru ngā wai o te Rotopiko i te tiko o ngā tini manu kīrearea e noho ana ki reira, a, ko te whakapae, mā nga kiore kaipuke rā e whakamataku ai ngā manu.

E ai ki te māngai mana whenua, e ai ki a Barney Manaia, ahakoa he rerekē te whakaaro kia tuku kiore ki roto i tētehi whakamaurutanga, he hua hoki kei roto.

Kua roa te wā e whakapeto ngoi ana a Te Papa Atawhai me ana hoa ki te whakaiti i ngā manu, auare ake. Kei te piki tonu ngā nama.

He tuatahitanga te whakamātau nei, ā, e toru marama tana roanga.

RELATED NEWS

He tupuna rongonui Kei te rapu kaiwhakaari ā Te Reo Tātaki E kore ā Petrobras e tīkaro i te hinu ki Raukumara