November 02, 2022
Kohi kaimoana ki Kaikōura: Āe, kāo rānei?
Kua tae te wā kia wātea anō te whanga o Kaikōura ki ngā mahi kohi pāua. Koia rā te kōrero a te māngai o Te Tini a Tangaroa, a Tangiwai Rewi, i muri mai i te whakatuwheratanga o ngā tono ki te Manatū Ahu Matua i tēnei wiki e kimi ana kia tuwherahia ōkawatia te wāhi, kia noho tonu rānei te rāhui.
i te tau 2016 i rāhui ai ngā tātahi o Kaikōura i te kohi pāua, nā te rū o te whenua ki reira, me te putanga o ngā toka pāua i te wai, ā, i tērā tau i haukoti te rāhui mō te toru marama mai i te tahi o Tīhema. Hei tā Rewi, me tuwhera tonu, heoi, mō tētahi wāhanga noa iho o te tau.
Tukuna au tono ki te whārangi ipurangi a te Manatū Ahu Matua.