E rehurehu ana te anamata o te mira rākau o Kaitaia. I ngā ūpoko o te kamupene e wānangahia ana te tūtohu hoko atu, aukati rānei.
E whai ana tēnei i te katinga o tētahi anō mira rākau o te rohe i te marama o Ākuhata. E matapaetia ana ka neke atu i te 160 ngā tūranga mahi ka poroa ki te aukati te mira nei.
E ai ki te kahika i te Kaunihera o Te Hiku o te Ika, e ai ki a Moko Tepania, ka whānui kē atu te pānga o tēnei tūāhuatanga, kaua ki ngā kaimahi anake, engari ka tau hoki tēnei riponga ki ngā toa o te hapori, tae atu rā ki ngā kamupene e taunaki ana i ngā mahinga o te mira.






