Kua riro mā Ngāti Kahungunu ki Tāmaki-nui-a-Rua te mana whakahaere o te Pāhiatua Medical Centre whai muri i te whakaaetanga ki a Tararua Health Group.
E tata ana ki te rima mano ngā tūroro e manaakihia ana e te whare hauora rā, ā, i pāngia te ratonga hauora rā e ngā pakeketanga o te wā i ngā marama tata kua hori, tae atu ki te wehenga atu o ētahi o ngā kaimahi.
Hei tā Paora Ammunson o Ngāti Kahungunu ki Tāmaki-nui-a-Rua, he wāhanga noa iho tēnei hokonga i te mahere whānui a te iwi. Ko ētahi atu hokonga a te iwi ko ngā whare hokohoko o Knutsons i Taratahi (Carterton), me te papa whenua o te hōhipera tawhito i Whakaoriori (Masterton).
