Ko Waka Kōrero – Kia Kotahi he kaupapa rumaki reo Māori e whakahaerehia ana e Te Tai o Awatea, e tū ana ki te takutai o Kaiteriteri. He akoranga reo Māori tēnei ka tū ki runga i te waka, ki te taiao moana hoki.
Ka whakakotahi te kaupapa nei i ngā whānau o ngā reanga me ngā taumata reo rerekē ki te ako, ki te kōrero, ki te whakapakari hoki i te reo Māori mā runga waka, i roto hoki i te taiao moana.
E ai ki a Hana Park, te kaiārahi reo o Waka Kōrero – Kia Kotahi, ko te whāinga matua he whakapakari i te reo Māori o ngā whānau o Te Tai Tonga.
