Kei te ahu atu ngā kaieke hoihō o Ngāti Kahungunu ki Pāremata, mā runga hōiho.
I wehe atu i Waimārama Marae i te Paraire ka hipa, ā, tahi te tira haere ka hipa i a Whakaoriori. Ko te whāinga, ka tae atu ki Pāremata āpōpō ki te tuku i te pētihana ki te Mema Pāremata mō Ikaroa Rāwhiti, ki a Cushla Tangaere-Manuel.
Ko te whāinga, ko te whai kia 50 mano ngā waitohu hei tohu tautoko i te pētihana, ā, kei te takiwā o te 44 mano ngā waitohu i tēnei wā nei. Ko te matū o te pētihana, kia kaua te Kāwanatanga e whakakore, e whakangoikore rānei i ngā tohutoro ki Te Tiriti o Waitangi me ōna mātāpono i roto i ngā ture o Aotearoa.
E whai ake nei ko tētahi hopunga nō te pāhotanga mataora nā te kaikōkiri o te kaupapa nei, nā Bayden Barber.
