I whakatauhia e te Kāwanatanga te marama o Ākuhata hei rā aukati i ngā tāpaetanga ka tae atu i ngā kaunihera, ki te whakatau i te āhua o ā rātou whakahaere i ngā take kāwanatanga ā-rohe, mēnā rānei ka mahi tahi, ka ū rānei ki ngā whakahaerenga o te wā.
Hei tā te Manukura o Te Hiku o te Ika, hei tā Moko Tepania, e tūwhera ana ia ki te whakarerekē i ngā whakahaerenga. Heoi anō, e māwhitiwhiti kōrero tonu ana ngā kaunihera o Te Tai Tokerau nā te nui o ngā aheinga e wātea ana. E whai ake nei ko ētahi o ngā tūtohu e wānangahia ana.
