E ngarue tonu ana te whenua i te hinganga o Len Bristowe, he tautōhito i te ao pāpāho Māori, he kaipupuri i te mana o te reo o Ngāti Hine, ā, he kaitarahiti hoki i Ngāti Hine Forestry Trust.
Hau noa ana tōna rongo mō tōna momo motuhake, mō tōna kaha ki te whakangahau, me tōna mātauranga i tohaina nuitia ki ngā kaiwhakarongo huri noa i te motu.
I whai wāhi kōrero mātou ki a ia i ngā tau kua pahure ake nei, ā, ko tētahi o āna tino tūmanako, ko te oranga tonutanga o ōna iwi, o ōna whānau, me ngā hapori puta noa i Te Tai Tokerau.
