Kei te tukituki ngā ture Pākehā ki ngā tikanga Māori, koia ngā kōrero a te mema Pāremata o te Pāti Kākāriki, a Hūhana Lyndon, e pā ana ki tana wheako i te pakirehua Mana Wahine ki mua i te aroaro o te Taraipiunara o Waitangi.
I hua ake tēnei take whai muri i te whakakāhoretanga o tana tono kia whakawāteatia tana wā kōrero hei wāhi kōrero mā ētahi atu wāhine kua roa e mahi ana i ngā whakahaere kāwanatanga me ngā kaunihera, pēnei i a Mārama Davidson, a Kerrin Leoni, a Ihapera Paniora me Nicki Wakefield.
E ai ki a Lyndon, kāore i tika te whakatau, ā, e whakaatu ana tēnei i te taupatupatu nui i waenga i ngā ture me ngā tikanga i te ao Māori.
