E kōkiri ana a Winston Peters me tōna rōpū i tētahi mahere kia wāwāhia ngā kamupene hikohiki, hei whakaheke i ngā utu hiko o te motu.
E ai ki a ia, kei te pāngia kinotia te motu e ngā utu hiko o te wā.
Heoi anō, e whakahē ana te Tumu Whakarae o Contact Energy i ērā kōrero āna, hai tāna e iti ana te utu hiko o Aotearoa tēnā i ngā utu hiko o whenua kē.
Hai tā te Minita Pūngao a Shane Jones, kei te mirimiri tonu te pāti i tana whakaaro nō tērā tau kia whakahoki anō i te rāngai hiko ki raru i te maru o te karauna, heoi i tēnei wā ko te kōrero noa i pahawa.
