Amiria Nepe-Apatu | Tukituki Water Security Project: Kīhai mātou i whakaae!

I whakaae te Kāwanatanga ki te tuku pūtea tautoko $18 miriona tāra mō tētahi kaupapa wai e tautohetia ana ki Te Matau-a-Māui.

Ko te Tukituki Water Security Project ka hanga i tētahi pāpuni ki te awa o Makaroro hei puna pupuri wai mō te rohe.

E ai ki ngā kaitautoko, ka āwhina tēnei kaupapa i ngā āhuatanga kore wai i te rohe i ngā wāhanga wera o te tau, ā, ka nui ake ngā tūranga mahi mō te takiwā.

Hai tā Amiria Nepe-Apatu, Poutikanga i te Kaunihera ā-Rohe o Te Matau-a-Māui, kāore ngā hapū me te iwi i whakaae ki tēnei kaupapa.