March 17, 2026

Rahiri Ngapuhi | E ara rā te Kāhui Kaiako hou o Aotearoa.

Pohaturoa Waenga Posted On March 17, 2026

Pohaturoa Waenga Rahiri Ngapuhi

I ngā rā tata nei i tū ngā whakapōtaetanga o ngā tauira kaiako hou puta noa i te motu, he mea tāwharau, he mea poipoi e Te Rito Maioha. Ko ēnei tauira ka ahu atu ki ngā whare kōhungahunga me ngā kura tuatahi.

E ai ki ngā rīpoata mātauranga o nāianei, kei te pēhia te rāngai mātauranga e te iti o te puna kaiako i Aotearoa, e te nui hoki o ngā kaiako e whati atu ana ki tāwāhi.

E ai ki te Pou ā-rohe o Te Rito Maioha, ki a Rahiri Ngapuhi, mā ēnei tauira hou e whakakī i ētahi o ngā āputa kaiako e kitea ana i tēnei wā.