September 18, 2025

He kāinga hōu mō te atamira Māori o Polyfest 2026

Te Raunatanga Whakaara Posted On September 18, 2025

Ngā Puna o Waiorea

Ngā Puna o Waiora 2024

Kua whakatauhia e ngā kaiwhakarite o te ASB Polyfest kia whakahaerehia te hui nui ki ngā wāhi e rua, nā te tere tupu haere o te kaupapa.

I te tau 2026, ka tū ngā mahi i te Manukau Sports Bowl me te Due Drop Events Centre. Ka whakahaerehia te wāhanga tuatahi mai i te 18 ki te 21 o Maehe mō ngā kapa o Niue, Tonga, Hāmoa, Kuki Airani me te Atawhai Ahurea.

Ka tū te atamira Māori mai i te te 30 o Maehe ki te 2 o Paengawhāwhā. I ngā tau kua pahure, kua tū te ahurei mō te whā rā ki Manukau.

Neke atu i te 3200 ngā taiohi i tū i te atamira Māori i tēnei tau – koia te atamira nui rawa atu.

Hei tā te heamana o te Polyfest Trust, a Simon Cragg ki Pūrongo Tahi, mā ngā nekenekehanga ka āhei te kaupapa te tupu tonu. Ahakoa ngā rerekētanga o ngā rā me ngā wāhi, e mea ana a Cragg, “kotahi tonu te wairua o Polyfest i raro i te korowai kotahi o ngā ahurea o Tāmaki Makaurau.”