Listen Now: 
Download AudioEhara i te mea ko te reo Māori anake i wānangahia ki te Kura Reo o Ngāruahine, ko ngā wero o te ako i te reo rangatira hoki i ako.
He tokomaha ake i te 200 o ngā uki o Ngāruahine i tae atu ki te wānanga i tū ki Kānihi marae engari i haerere haere ki ētehi atu marae o te takiwā ki a Te Aroha Pā o Ngāti Manuhiakai me Aotearoa Pā o ngā hapū o Ōkahu – Inuawai.
Hei tā tētehi o ngā kaiako kaitautoko o te kura reo, hei tā Patina Te Rauna, ko ngā kōrero tuku iho o Puanga hoki tērā i wānanga, ko ngā kōrero tuku iho o te iwi o Ngāruahine otirā ko ngā taumahatanga ka rongo nei ngā tāngata Māori e ako ana i te reo Māori.
Hei tāna tonu, “ko te ako i te reo Māori te tuatahi nē, engari e whai tikanga e pā ana ki ngā ritenga o tēnei wahanga o te tau, mō te tahi o te tau. He kaupapa hou mō ētahi, e whai whakaaro mō ngā tiaknga o te kāinga, ō ngā marae o Ngāruahine, ā, i wānanga hoki mō ngā pā maema reo Māori, āra ko te reo trauma anxiety hoki.”
RELATED NEWS
