Ko te ao Māori, ko Puanga me Matariki, ā, ko ngā take Kīngitanga ērā i whakanui ki Te Konohete o Ngā Uki o Te Raukura i Te Whanganui o Tara.
He kaupapa kohi pūtea mō te Koroneihana tuatahi o te Kuini Nga wai hono i te po Pōtatau Te Wherowhero Te Tuawaru.
Hei tā te kaiwhakahaere matua o te pō ngahau, hei tā Kurt Komene, ko te whanaungatanga me te tautoko atu i tō tātou Arikinui ngā mea nui.
Ko tā Kōmene, “ki te whakamana i a ia anō nei he kaikaha mātou o ngā uki ki te whaiwhai haere ōnā tapuwae, ki te tatuoko i a ia i roto i ōnā kaupapa nui, ahakoa te aha, kei reira mātou whakakanohi ai i ōnā hiahia i ōnā wawata, kia hono anō ngā uki o te raukura i ngā kōrero o tuawhakarere kia noho ngātahi anō nei kia whakanui i a ia.”
