Listen Now: 
E mea ana te Minita Kāinga Tuarua, mā ētahi kāinga hou ki Rotorua e whakatau ai ngā raru kāinga kore o te takiwā.
Koia te kōrero a Tama Potaka i tētahi pānui pāpāhō i te ahiahi Rātapu, e tohu ana i tētahi kaupapa mahi tahi ki te hapori o te rohe me te Manatū Kāinga.
Hei tā te pānui, he 189 ngā whare hou ka whakatūhia me te tautoko ā te Kāwantanga, ko tōna 150 o ngā whare nei he kāinga papori.
Hei tā Minita Potaka, he mea nui ki a ia te whakatika i ngā take kāinga o Rotorua me te mea hoki, he tata ki te 700 tāngata kei te rārangi tatari ki tētahi kāinga papori.
I kī tonu te Minita, ka tautoko ngā kāinga hou i te mahere kāinga o te Kaunihera Rotomoana o Rotorua, kia hāpai i ngā iwi, me ngā hapū wawata kia whakatū whare haumaru mō ngā uri.
Hei tā Minita Potaka tonu, ko te whāinga kia whakatūhia ngā whare i mua i te Hūrae 2027.
RELATED NEWS
