Astley Nathan | Ehara mā tētehi wānanga noa e whakakore i te whakaweti tangata

Waatea Images

Waatea Team Astley Nathan | Mā te katoa e whakakāhore te mahi whakaweti i Aotearoa

Download Audio

Kua whakatakoto te mānuka kia kawe te katoa o Aotearoa i ngā mahi kia kaupare atu i te ngārara a te whakaweti tangata whaiora.

Koia te wero a tētehi o ngā kaiwhakahaere o te hui a ‘Nōku Te Ao’ i tū i te Tūrei ki Te Maruheruhe marae ki Tāmaki Makaurau.

He hui i whakakotahi ngā kaimahi o ngā rāngai hauora, ngā kaikōiri hapori me ngā mātanga kaiwhakahaere kaupapa here me ngā tāngata whaiora.Hei tā Nathan, me kaua e waiho mā te hui noa e whai rongoā ki ngā mahi pēhitanga ki te hunga whaiora.

Ko tā Nathan tonu, “ehara i te mea ko mātou kē te kaikawe o ēnei whakaaro o ēnei moemoeā, ehara i te mea ka noho ko te kaupapa te kaikawe engari ko ngā tāngata katoa o Aotearoa te kaikawe o te whakakore me te mutu o ngā whakahāwea nā reira āe, he whakaaro nui tērā, he moemoeā tērā.”

RELATED NEWS

He taonga te papa patopato reorua Kia rēhita tātou ki te Wā Tuku Reo Māori! Potaka Maipi | Kia kaha rā te kapa whutupōro o FIji!