Listen Now: 
April 04, 2025
Portia Woodman | Ka kore e uru ki te NRLW i tēnei tau
Waatea Team
Posted On April 4, 2025
Nā tana tū hei māngai mō te Kapu Whutupōro-ā-ao, ka kore te toki whutupōro a Portia Woodman-Wickliffe e tākoro mō te kapa NRLW a ngā Knights i tēnei tau.
Koia te kī a te Australia Associated Press (AAP) i te kore whakaae a ngā kaiwhakahaere o te NRL, otirā te ohu whakahaere i te NRLW, ki te kirimana kua roa nei te kapa Knights e wawatahia kia waitohu a Woodman-Wickliffe.
E tū ana te Kapu Whutupōro-ā-ao ki Ingarangi a te 22 o Akuhata tae noa ki te 27 o Mahuru, ā, he kotahi wiki o te whakataetae NRLW ka mahue i te uri o Ngāpuhi mehemea i tākoro ia i te kapa Knights.
Hei tā te AAP, kāhore hoki ngā kaiwhakahaere NRL i whakaae ki tērā.
He mātanga whutupōro a Woodman-Wickliffe. E rua ngā mētara koura Ōrimpia i toa a ia i tana tākoro ki te kapa takiwhitu Mamaku.
RELATED NEWS
