April 02, 2025

Jessikha Makoare | Mā ‘That’s Us’ o Hāpai Te Hauora e hāpai i te auahikore

Te Raunatanga Whakaara Posted On April 2, 2025

Waatea Images

Ko te kaupapa ‘That’s Us’ ka hīkina i te kaha o te hunga momi hikareti kia auahikore mō te katoa o Mei, ā, haere ake nei.

E ai ki ngā tatauranga a te ohu whakahaere i te kaupapa a Hāpai Te Hauora, ki te ū te tangata ki te kore momi hikareti mō te 4 wiki, kā māmā ake te ū ki te kore momi anō.

Hei tā te māngai nō te ohu, hei tā Jessikha Makoare, ko te kaupapa nei he āhuatanga hei tautoko i ngā hunga nui te hiahia, ki te tutuki pai i ō rātou whāinga.

Hei tāna tonu, ‘ko te whāinga matua o te kaupapa nei, tuatahi ko te huarahi oranga, te whai oranga mō ngā whānau katoa, engari ko tōna aronga mō te marama o Haratua, ki te aukati ngā whānau Māori, ngā tangata katoa i te momi hikareti mō te roanga o te marama o Haratua.”