Listen Now: 
March 25, 2025
Moko Tepania | E hōhā ana Te Kaunihera o Te Hiku o Te Ika i ngā kōrero kaikiri
Te Raunatanga Whakaara
Posted On March 25, 2025
Download AudioE kore te Kaunihera o Te Hiku o te Ika e tū tekoteko noa ki ngā mahi kaikiri.
Koia ngā kōrero a te Kahika o te kaunihera a Moko Tepania, hei whakautu i ngā kōrero whakaiti i te tangata kua rere haere ki tō rātou pōhi whārangi pae papori.
He pōhi tērā e whakamahara ana i ngā iwi o te takiwā, ka tautoko rātou i ngā kaupapa Puanga Matariki e hiahia ana te hapori te whakatū.
Hei tā Tepania, “arā noa atu te tini me te mano o ngā kōrero kaikiri ka puta mai i te taha o tēna. Ko tāku, pai noa iho ana te werowero mai ki te kaunihera, ka pēhea rāinei te kaunihera whakapau i tō pūtea rēti ēngari, kāhore tēnei kaunihera e tautoko i ā koe e whakaae rānei, kia noho kaikiri o kōrero mai ki ngā kainoho rānō o tēnei rohe o Te Hiku o Te Ika o Te Tai Tokerau ki Te Raki. Nō reira, ka hanga hōhā kē mātou, me ngā kaikaunihera anō ki roto i tēnei whare.”
RELATED NEWS
