Denise Cosgrove | Kua whakatū he pokapū mate wareware hei tautoko i ngā kaumātua

Supplied Image

Mā tētahi whakaaetanga mahitahi ki waenga i te Tarahiti Āwhina Kaumātua arā te Selwyn Foundation me ngā iwi o Ngāti Hine me Ngāti Whātua Ōrākei e whakarewa ai he pokapū mate wareware e arahina nei e te Māori, kia rangahaua ngā kaumātua ki ngā hapori tuawhenua.

He mea pāho ki te hui heamana o te taitokerau i te Paraire, ko tānā he āwhina, he tautoko hoki i ngā kaumātua mate wareware i raro i te ahurea Māori.

Hei tā te tumu whakarae o te Selwyn Foundation, hei tā Denise Cosgrove, he mea ohotata, he mea nui, kia whakarite tēnei whare iāeanei, hei urupare ki te piki haere o te mate, ka mutu kia kitea moata.

Ko tā te whakaaetanga he whai kia penapena pūtea ki ngā kaupapa hauora Māori, kia whakarewa hōtaka hei urupare ki ngā take hauora, ngā take kāinga, me te whakamahi hangarau e pai ai tā ngā kaumātua whai tautoko ki te kāinga ki tuawhenua.

RELATED NEWS

Te Whare ō Rēhua Tuteri Rangihaeata | E hūro ana a Ngāti Ruanui i te tū anō o Te Rā o Ruaputahanga Hākinakina | He tutukitanga nui whakaharahara tō te kaioma a Maia Ramsden