Listen Now: 
He tuatahitanga ki Ōtāutahi, ā te Hānarei tu ai ko Mākete Reo ki Ōhinehou.
He kaupapa whakahaere nā Te Rōpū Wāhine Māori Toko i te Ora ki Rāpaki i whakarite, hei tā tōnā perehetini, hei tā Jo Petrie, he kaupapa ia mō ngā taumata reo katoa.
Hei tāna, ka manaakitia ngā tāngata katoa e Mākete Reo.
Ko te whainga a Mākete Reo kia ākina, kia tangata whenua te kōrero o te reo Māori ki te whānui o ngā wāhi tūmatanui.
Hei tā Petrie tonu, ko te mākete he āhuru mōwai mō te katoa, ka mutu, ka whakawhiwhia ki te tangata he tohu e whakaatu ai tana taumata reo, ā, ka tautokona ngā kaihoko hoki mā te tuku kāri reo ki a rātou e pai ai te whakawhiti kōrero ki waenga i ngā taha e rua.
Hei tā Petrie tonu ko te whainga nui kia tū he Mākete Reo ia te tau.
