Te Kurataiaho Kapea | Me whakaako i ngā kōrero tūturu o neherā ki ngā kura

Waatea Images

Waatea Team Te Kurataiaho Kapea | Me whakaako i ngā kōrero tūturu o neherā ki ngā kura

Download Audio

E tautoko ana te uri o Ngāti Whātua a Te Kurataiaho Kapea, i te whakaaro kia whakaako i ngā kōrero o neherā o te takiwā o tōna iwi, ki ngā kura katoa o te hapori.

Koia tāna i mua i te rangi whakamahara i te 200 tau nō te pakanga ki Te-Ika-ā-Ranganui, ki reira mate atu te 300 tūpuna nō te iwi.

Ka tū te kaupapa ki Kaiwaka a te 15 o Māehe, ā, he mea whakahaere nā Te Rūnanga o Ngāti Whātua.

Hei tā Kaepa, ko te manu e kai ana i te miro mātauranga o neherā, nōnā te momoho.

“Āe, ngā hītoria-ā-iwi e tika ana kia whakaakona ki ngā kura o taua rohe. Ngā kōrero mō tēnei pakanga, tika ana kia whakaakona ki ngā kura i roto i te rohe o Ngāti Whātua, Maunganui ki Tāmaki, kia mārama ai te iwi e noho nei taua rohe rā, ki ngā hītoria o te rohe. Ngā mea pai, ngā mea korekau e pai ana, otirā ngā tini akoranga o roto, te hekenga o ngā kōrero mō ngā whenua nei.”

RELATED NEWS

Whāia ngā moemoeā Kaikiri | Ko tōku Māoritanga tōku ohooho ko tōku tuakiritanga tōku māpihi maurea He toa tō tātou kapa a ngā Rarauhe Hiriwa!