Huhana Lyndon | Te petihana whakakāhore i ngā mahi keri moana a McCallum Brothers Ltd

Waatea Images

Waatea Team Huhana Lyndon | Te petihana whakakāhore i ngā mahi keri moana a McCallum Brothers Ltd

Download Audio

E whakaute ana te Mema Pāremata i te Pāti Kākāriki a Huhana Lyndon i te hunga tautoko i te petihana e whakahē ana i te whakaae a te kāwanatanga kia tīmata ngā mahi keri a McCallum Brothers Ltd, i te moana o Paepae-o-Tū ki te rohe o Ngāti Wai i Te Tai Tokerau mō te 35 tau.

Ko te Tūmuaki Takirua o te ohu Endangered Species Foundation, te kaitākoro rīki rongonui o mua a Tawera Nikau, te kaikōkiri i te pētihana.

Hei tā Lyndon, kei te tihi o whakaaro te oranga o te taiao me te marea e whakatinana ana i tō rātou kaitiakitanga taiao.

Hei tā Lyndon tonu, “e mihi atu ana ki te hapori puta i Whāngarei me Aotearoa whānui i te mea 14,000 tāngata i haina i tēnei petihana ki roto i ngā hararei o te Kirihimete. I te poupoutanga o te rā, puta mai a Tawera Nikau, te heamana o te Endangered Species Society, te homai i tērā petihana, māku e mau atu ki roto i te whare Pāremata. A te 3 karaka a te ahiahi nei (05.03.2025) ka kauwhau ahau i roto i te whare Pāremata e pā ana ki te petihana me te tino whakahē o te hapori o te iwi kāinga ki tēnei te reo o te Fast Track.”

RELATED NEWS

He kaitono tokorua nā Nāhinara i ngā tūru Māori He nui ngā hua a Te Whakatongarewa: Erana Reedy He rangatahi, he anamata