Kua toa te kapa wāhine o Te Karapu Rīki o Pātea Warriors i tō rātou kēmu tuatahi

Te Whārangi Pukamata o 'Patea Warriors Rugby League Club'

Kei te hurō te karapu rīki o Pātea Warriors i te tū me te toa tuatahi o ta rātou kapa wāhine i te whakataetae ā-rohe o Taranaki i te Hātarei.

Tākaro ana ki te kapa o Marist, i puta te ihu o Pātea Warriors e 38 ira ki te kore. E waru ngā piro i whiwhia e rātou, nā Pareake O’Brien ngā piro e rua.

E toru ngā kapa i te whakataetae, ko Pātea rātou ko Marist, ko Whaitara.

Ā te mutunga wiki nei whakatā ai te kapa o Pātea, ā, ka tākaro rātou ki a Whaitara ā te 8 o Māehe.

Hei tā te māngai kōrero mō te karapu, hei tā Ngāpari Nui, ko te hīkaka ia i tēnei ekenga a te kapa, me ngā tukinga hoki kei mua tonu i te aroaro.

RELATED NEWS

He oranga ano mo te whare tautoko Tag Blacks: He tirohanga ki āpōpō Kia Hiwa Rā! – Ko ngā whetū maiangi o te ao kairīpoata Māori