February 18, 2025

He kura waiora Māori mō ngā tauira o Te Kura o Te Kao

Te Raunatanga Whakaara Posted On February 18, 2025

Waatea Images

Ko te wānanga a Wai Mauri nā Te Rūnanga o Te Aupouri, he kaupapa mahitahi ki te kura o Te Kao ki te ako i ngā āhuatanga whakarauora wai me te hāpai i te wai ora ki tō rātou rohe.

Tū ana i te wiki taha ake nei, hei tā te Heamana i Te Rūnanganui o Te Aupouri, hei tā Tipene Kapa-Kingi, mā te whanake i ngā āhuatanga o tiaki wai i ngā tamariki e tiaki ai te anamata o te taiao, o te rohe anō hoki.

Hei tā Kapa-Kingi, “hei a pēhea te āhuatanga o te wai, te oranga o te wai, he aha ngā kai o roto, he aha ngā ngohi, ngā tupu o roto, pēhea te whakamātau, pēhea te hopu, ērā mātauranga tuku iho, ērā tūmomo āhuatanga katoa, koia ia ko ngā kaupapa o tēnei wānanga. Ko te tino tirohanga ki au, ā te wā o ngā tamariki o Te Kura o Te Kao, ngā tamariki mokopuna o te haukāinga o Te Kao- ka hari au i ngā tau koni atu pena ko rātou ngā kaimahi o Te Rūnanga, ngā tamariki o te tīma tiaki taiao.”