January 22, 2025

Nō te ata nei pōwhiri ai e Te Hāhi Rātana ngā iwi o Taranaki me Whanganui

Kawe Roes Posted On January 22, 2025

Nō te ata nei pōwhiri ai e Te Hāhi Rātana ngā iwi o Taranaki me Whanganui ki te pā o Rātana hei tīmata i ngā whakanuitanga i te Rā Whānau o tō rātau Poropiti a Tahu Pōtiki Wiremu Rātana.

Koia ngā kōrero a te kaikōrero o Te Hāhi Rātana a Piri Rūrawhe ki tō mātau o hōtaka o Atatū i te rangi nei.

Hei tā Rūrawhe, nō te iwa karaka o te ata nei tangihia ai te iwi mōrehu ki te kuia ranagatira o te awa tupua o Whanganui a Tariana Tūria i mate i te tīmatatanga o te tau nei.

Hei tāna tonu, he rangi nui whakaharahara te haere nei mō tana iwi mōrehu e whakamānawa ai i te rā whānau 152 a Tahu Pōtiki Wiremu Rātana.

Waihoki, hei te ata nei āpōpō ka pōwhiritia te ngā ariki o tō tātau motu ara a Te Ariki Tumu Te Heuheu, ā, hei te ahiahi ka pōwhiritia tuatahitia a Te Arikinui Kuini Nga wai hono i te po me te kawe mate o tana matua a Kīngi Tūheitia.