January 20, 2025

E parahutihtui ana te haere a te kapa Phoenix

Te Raunatanga Whakaara Posted On January 20, 2025

Ku puta te ihu a te kapa wāhine Phoenix whai muri i tō rātou whakahinga i ngā New Castle Jets inanahi i te rauna 12 o te whakataetae A-League.

I tū te kēmu ki te papa tākoro o Jerry Collins ki Parirua, ā, ahakoa i te wehenga rua e 2 ngā ira ki ngā manuhiri e kore ki te haukāinga, i ū tont te kapa Phoenix ki ō rātou pūkenga poiwhana.

I te mīniti 50, nā Manaia Elliott te ira tuatahi i whiwhi mō te kapa Phoenix, kātahi ka rua, i uru anō te pōro ki te āpure ūhanga nā ngā waewae haukeri a Annalie Longo.

Nā Elliot tonu te ira tuatoru i kōwhiri i te wā tāpiri kia puta wikitiroa ai tōna kapa.

Hei tā te kaiako matua o ngā Phoenix a Paul Temple, nā te koi o Elliot te tiro ki mua i ā ia, ki āna hoa kaitākoro, te piro whakamutunga i whiwhi, ā e māhunga rūrū a ia ki tana kapa.

Ko ngā ira whakamutunga e 3 ki te 2. Kei te tūranga tuarima te kapa Phoenix e noho ana taurite ana ki te tūranga tuaiwa e noho ana a te kapa Jets.