January 16, 2025

Albert Cash | Kia tūpato i ngā āhuatanga o Mahuika ki Tāmaki Makaurau

Te Raunatanga Whakaara Posted On January 16, 2025

Waatea Images

Nō te ata tonu nei me whai whakaaetanga te tangata ki te toro ahi ki te rohe whānui o Tāmaki Makaurau.

I whakatūria e te ratonga tīnei ahi te wāhi rāhui ahi nei ki ngā tōpito o te rohe mai i Te Waitematā, ki te pokapū o te taone, ki ngā rohe o Manukau, puta atu ki Tāwhaki anō hoki.

Hei tā te Pou Takawaenga Māori matua i Te Whakaratonga Iwi mō Tāmaki Makaurau, hei tā Albert Cash; he wāhi kai mā Mahuika ngā wāhi whānui o Tāmaki Makaurau nā te kaha paki a Tamanuiterā.

Kāore anō kia whakatau āhea te wāhi rāhui hiki ai.

Hei tāna tonu, “mēnā i a tātou i āta tirotiro i te matawhānui o te katoa o Tāmaki Makaurau, ka kite tātou i te pai, i te kino rānei o Hineraumati me te whakamaroke haere ki tō tātou nei whenua, ki te roherohe whānui o Tāmaki. Nā reira, e kite atu ana i te reka o Hineraumati, pea, me āna nei mahi. Ka kite atu rā i ngā whakatūpatotanga.”