January 03, 2025

Kua mate a Kahurangi Tariana Turia i tōna kāinga o Whanganui

Kawe Roes Posted On January 3, 2025

Nō te ata pongipongi nei matemate atu ai te uri o te awa tupua a Kahurangi Tariana Tūria e 80 ōna tau.

Koia ngā kōrero a Te Ranga Tupua ki te puna pāpori i te rangi nei, hei tā rātau i pākia e ia e te mate ikura roro i tēnei wiki.

Nō te tau 1996 ki te tau 2014 i tū a Kahurangi Tāriana Turia hei mema pāremata mō Reipa, ā, i mutu ana mahi tōrangapū ki Te Pāti Māori.

I rongonui ia i tana wehe i a Reipa i tā rātau kōkiri i Te Pire Takutai Moana.

Nāna anō a Whānau Ora i timata hei whakaora i te mātauranga, i te kāinga, i te hauora i te pūtea hoki ā te whānau.

Hei te rangi nei ka kawea e te waka a Kahurangi Tariana Tūria atu i Pākaitore ki Pūtiki Marae, ā, ka hoki atu ia ki Whanganui hei te ahiahi nei.

Hei te Rātapu i te 9 karaka ka kakea e Te Arikinui Nga wai hono i te po ki te poroporoaki i tēnei tino rangatira ā tātau.

Hei te Tūrei nehu ai te māreikura ki te rua kōiwi ō ōna mātua tūpuna.

Author

Podcast: English News