December 30, 2024

Kua matemate te perehetini omua o Amerika e 100 ōna tau

Kawe Roes Posted On December 30, 2024

Kua puta ōkawa i matemate te perehetini omua o Amerika a Jimmy Carter e 100 tau ōna kaumātua.

Nō te ata nei matemate ai te perehetini 39 o Amerika i tōna whare ake i te Tonga o Amerika i Georgia.

Nō te 1976 i tū a Carter hei perehetini mō Amerika, engari he toru tau noa iho tana noho ki te tēpu mananui o te ao.Nō muri mai i āna tau perehetini, i whakawhiwhia e ia ki te tohu Nobel Prize mō āna mahi e puta ai he tatau pounamu ki ngā pakanga o te ao kātahi, karua i whakanakehia e ia te manapori me ngā motika a tāngata.

Nō tērā tau mate atu ai tana wahine rangatira a Rosalynn, he mārenatanga tēnā i mauroa mō ngā tau 77, ā, koia hoki te mārenatanga roa o ngā perehetini katoa o taua whenua.

Kāore anō kia puta i te whānau pani ā rātau whakaritenga mō te tangihanga a te perehetini omua a Jimmy Carter.