December 17, 2024

Kāore i tika tā Te Kaitiaki Take Kōwhiri tiaki i te pānga taupatupatu

Kawe Roes Posted On December 17, 2024

Kāore i tika tā Te Kaitiaki Take Kōwhiri whakamahi i a Manurewa Marae hei wāhi pōti i te kōwhiringa pōti omua.

Koia ngā kōrero a te kaitiaki take kōwhiri matua a Karl Le Quesne ki te komiti whirwhiri i te wiki whakatātare i te pāremata.

Hei tāna tonu, kāore i tika te whakamahi i a Manurewa Marae hei wāhi pōti i te mea, ko tētahi o ngā kaimahi o te marae a Natasha Takutai Kemp, he pānga taupatupatu tōna ki te marae, me tana tū hei kaitono mō te tūru Māori o Tāmaki Makaurau.

E ai hoki ki Le Quesne, kāore i tika ngā mahi a tana tari ki te whakahaere i ngā take i here ai a Kemp ki te kōwhiringa pōti me te whakamahi i te marae o Manurewa me ōna hononga nui e kīia nei he pānga taupatupatu.

Engari e ai ki te māngai o Te Pāti Māori a Debbie Ngārewa-Packer kei te hē te whakapāha a Te Kaitiaki Take Kōwhiri i tā rātau whakamahi i a Manurewa Marae, hei tāna, he mahi tūohu noa ki ngā taemahatanga kāwanatanga.