December 06, 2024

He aitua kua matemate he tamatāne e ako ana i te Puni Whakapakari

Kawe Roes Posted On December 6, 2024

E rere ana te aroha o te minita take tamariki ki te whānau o te tamatāne i matemate i te aitua.

Koia ngā kōrero a te minita o Oranga Tamariki a Karen Chhour, i tana rongo i matemate tētahi tama nō tana Puni Whakapakari arā Boot Camps tuatahi, i muri i te aitua i te huarahi matua o Tīrau, i Waikato inanahi.

Tekau mā whā ngā tangata i whara i te tukinga o ngā waka e toru, i te pahi me ngā motokā e rua.

E ai ki te minita a Chhour, kua taka tōn ngākau mō te tamatāne, me tōna whānau e pani nei i tēnei wā.Ka mutu e kore e wātea ana te minita ki te tuku i ngā meka, te ingoa me kōrero mō te rangatahi i te mea kei te rere tonu te ketuketutanga a ngā pirihimana.

Nō tēnei tau tīmata ai Ngā Puni Whakapakari mō ngā taitamariki 10 hei whakatauira i tēnei hōtaka i raro i a Oranga Tamariki.