Tākuta Ferris | Te kuare hoki o tēnei kāwanatanga

Waatea Images

He korenui, he kore roa te āhuatanga o tēnei Kāwanatanga ki te hāpai i te Māori

Koia ngā kōrero a te māngai o Te Pāti Māori a Tākuta Ferris me āna whakamāramatanga i āna kitenga whai muri i te kotahi tau i te urunga a te kāwanatanga haumi hei mana whakahaere i te pāremata.

Hei tā Ferris, ko te mahi a Nāhinara, a ACT me Aotearoa Tuatahi he takahi i te mana o te iwi Māori ki raro.

hei tāna tonu, ‘kua kite atu tātou i te kuare a te kāwanatanga nei, whai whakaaro kore a te kāwanatanga nei ki te iwi Māori me tātou te hunga nā tātou anō te Tiriti o Waitangi i whakamana kia kuhu mai mā rātou. Kei te kite atu i te tino kuare, te whai whakaaro kore, te aroha kore, te whakaaronui kore ā tēnei kāwanatnaga. E tika ana te kōrero, kua parekuratia te kāwanatanga e te iwi Māori. He parekura kāhore kua kitea mō te kotahi rau tau neke atu.’

RELATED NEWS

He nui te āwangawanga ki Te Tai Rāwhiti He matapihi ki ngā rā o ngā tūpuna Charlie Moses | Ki te ū ngā Ōpango, ka eke!