Kua hainatia e te kapa poitūkohu a ngā Breakers tētehi pīki whara, 2.29 mita te tāroaroa kia uru ki tō rātou kapa.Ko Tacko Fall te tāne rā, uri nō Awherika ki Te Tonga.
40 ngā kēmū kua tākoro ia mō ngā Boston Celtics me ngā Cleveland Cavaliers, ā kua tākoro ia ki Haina anō hoki.
Hei tā Fall, kei te tino rata rātou ko tōnā whānau ki Aotearoa, ā, kei te hikaka ia ki te timata i ngā mahi whakawai me āna hoa tākoro hōu. Ahakoa kei te tūranga tuarua ngā breakers e noho ana ki te tēpū piro o te whakataetae NBL, he maha tonu te mahi kei mua i te aroaro mā rātou.
Ka tautoko a Fall kia mutu pai ai tāna kapa hōu ā ngā Breakers me te aha ka tākoro ia mō rātou tae noa ki te mutunga o te 2026.
