Kei te wāhanga whakamutunga a Ngāti Hāua o Whanganui ki te whakatau i ō rātau nawe ki te Kāwanatanga e kīia ana ko Te Pua o Te Riri Kore.
Koia ngā kōrero a te heamana o Ngāti Hāua a Graham Bell, i mua i te pōti whakamutunga a ngā uri o te iwi ki te whakaae ki te whakaahē rānei ki te whakahere a te Kāwanatanga.
Ko ngā kai ō roto e whakatau ai ngā takahitanga a te Karauna ki te iwi, he 64 ngā paraka whenua ka whakahokia ki a Ngāti Hāua me te $26.4 miriona tāra.
Tāpiri ki tēnā ka huri ngā ingoa 15 ki ngā ingoa tuturu ake o Ngāti Hāua
Waihoki, ka muru te Karauna i ngā hara i mauhere ai ngā tūpuna a Te Rangiatea rāua ko Mātene Ruta Te Whareaitu.
Ka puta ngā hui maha mō tēnei kōwhiringa huri noa i te motu, ā, ka tīmata te tuku pōti a te 9 o Hakihea, ā, ko te rā whakamutunga ki te tuku pōti ko te 31 o Hanuere.
