November 26, 2024

Auē taku ‘pie’ e! – Kei te mate te kamupene a Maketū Pies’

Kawe Roes Posted On November 26, 2024

Kua hē anō ngā rā ki te wheketere o Maketū Pies’ i waho o Tauranga, ā, kua karangahia te kamupene e ngā kaiarotake kia whakamutua ngā mahi.

Nā tētahi kamupene o Te Arawa Lakes Trust a Maketū Foods Ltd i whakahaere i ngā tau e whā kua hori, engari i aua tau, i kaihoro te kamupene i te pūtea tautoko e pōhara ai rātau.

Waihoki, e ai ki ngā kaiarotake ka riro mā te kamupene kaiwhiwhi, mā BDO Tauranga e mutu ai ngā pakihi a Meketū Pies’.

Hei tā rātau, i muri i te arotake i ngā mahi a te kamupene rongonui i whakaae tana kaumupene matua kia mutu ngā mahi a Maketū Pies’ i tērā wiki.

Ā, ko te hiahia a te kamupene matua, kia mutu rawa, kia wehe rawa i ngā mahi a Maketū Pies’.

Engari e ai ki a BDO Tauranga, ka utua ngā kaimahi, engari kei te hokona atu e rātau i a Maketū Pies’ me te manako ka oti aua mahi hei te Hanuere e tū mai nei.