Ka rangorango te Whare Mīere ki te Pire Mātāpono o te Tiriti

I te rā nei, e rū ana te Whare Pāremata ake i te pānuitanga tuatahi o te Pire Mātāpono o Te Tiriti nā Te Minita Tuarua mō ngā Take Ture, a David Seymour.

Ko te whāinga o te pire nei, kia whakatakotohia ētahi whakamārama ā-ture mō ngā mātāpono o Te Tiriti o Waitangi me te āhua o ngā whakataunga ture e pā ana ki Te Tiriti.

E kī ana te Mema Pāremata mō Ikaroa-Rāwhiti, a Cushla Tangaere-Manuel, kāore ia e whakapono ki ngā kōrero a ngā rōpū Nāhinara me Aotearoa Tuatahi, e mea ana kāore rātou e tautoko i te pire ki tua atu i te pānuitanga tuatahi.

Hei tāna, “Tuatahi, nā rātou anake i kawe mai te pire ki te whare he wiki i mua atu i te wā i whakaritea ai.

Ka mutu, ko te whakatū i tēnei pire ki te komiti whiriwhiri he tino māharahara ki a ia, nā te mea he mano tini kē ngā tāpaetanga e whakahē ana i tēnei pire.

Noki he mano tini tāngata kei te hīkoi puta noa i Aotearoa ki te whakaputa i tō rātou whakahē ki tēnei pire.

Hei te ahiahi te pānuitanga tuatahi.

RELATED NEWS

Ko te ngaronga ō nga tūranga mahi Ngā waiata ō mua Ka kore mātou e noho hai kaimātakitaki i tō mātou whenua anō