Mina Pomare-Peita | He hīkoi motuhake mō ngā uri o Whina Cooper

Waatea Images

Te Raunatanga Whakaara Mina Pomare-Peita

Download Audio

Ka kawe ngā uri o Kahurangi Whina Cooper i tōna mauri ki tō rātou ake kaupapa Hīkoi mō te Tiriti ka tū ki tō rātou hapori o Panguru i ngā raorao o Hokianga ā te Rātapu.

Timata ki te tahamoana ki Mitimiti, tau ana ki Panguru, hei tā tētehi o ngā kaikōkiri o te kaupapa, hei tā Mina Pomare-Peita, he mea nui ki a rātou te tū tahi ki te tautoko i te tū o te Tiriti o Waitangi ki Aotearoa.

Ā te Mane timata te hikoi matua i Te Reinga, i Murihiku anō hoki, e tūtaki tahi ai ki Pōneke a te 18 o Noema.

Hei tā Pomare-Peita, ka tau hoki rātou ki reira, ā ko tāna ko te mahi nui ko, ‘te tautoko i te karanga, nē? I tupu ake mātou ki tērā o ngā kōrero, ka puta te karanga, he aha te utu o te karanga? Ko te kōkiri, arā ko te tautoko. Koirā te take ka whakahikohiko i ā mātou, kia maranga ai kia kōkiri ai mātou ki te tautoko i tēnei kauapapa nui. He kaupapa whai tikanga, whai take.’

RELATED NEWS

Kua tūwhera ngā tatau o Mana Health ki ngā whānau o Te Hiku Atakohu Middleton I Kia hiwa rā te rāngai pāpāho māori Te Pāti Māori | Ko Matariki tērā ka werohia e te Kāwanatanga Haumi.