Huhana Lyndon | Kāore i te tika ētehi o ngā koha i whiwhi ngā pāti kāwanatanga i ngā kōwhiringa pōti

Waatea Images

Te Raunatanga Whakaara Huhana Lyndon

Download Audio

Kei te whakapae ngā Kākāriki, kāore pea i te tika ētehi o ngā koha i whiwhia e ētehi o ngā pāti pāremata i ngā kōwhiringa pōti.

Koia te kōrero a te mema pāremata mō ngā Kākāriki a Huhana Lyndon, whai muri i te whakaputa a te Uniana Kaiutu Tāke, ko te whakapiarihia e rātou ngā pūtea ka whakapaua e ngā minita.

Hei tā Lyndon, ahakoa e whakaae ana rātou o ngā Kākāriki ki tēnei āhuatanga, ko te taha o ngā pūtea mai i ngā koha ka whiwhia e ngā pāti, te wāhi tika me whakawā.

‘Ko te nuinga o ngā mea kua tohua ki roto i ngā rārangi kaupapa o te fast track nei, he kaikoha ki ngā rōpū tōrangapū i roto i te kāwanatanga. Nā reira me whai whakaaro ki ērā momo koha. Ki roto i te whare pāremata, kua puare katoa ngā pukapuka e pā ana ki ngā utu o ngā minita o te whare pāremata. Me whai whakaaro tātou ki ngā pūtea ka whakapaua e ngā minita me ngā kaitōrangapū.’

RELATED NEWS

He taonga te papa patopato reorua Kia rēhita tātou ki te Wā Tuku Reo Māori! Storm vs Panthers | E kore e taea te wehewehe