Listen Now: 
November 01, 2024
Kereama Wright | Mō te anamata te take
Te Raunatanga Whakaara
Posted On November 1, 2024
Download AudioMō te oranganui o ngā wai o te rohe o Rotorua otirā mō te anamata te take.
Koia ko tā tētehi o ngā kaitono hei kaitarahiti ki te Rotomoana o Te Arawa, koia ko Kereama Wright nō te tūwheratanga o te wā tuku pōti ki te kaupapa nei.
Toko ruatekaumārua ngā kaitono ki te tarahiti me te aha e iwa ngā tūru e waatea ana.
Hei tā Wright, ko tāna, he tū mō te reanga rangatahi me te hiahia kia whakamiramira i ēnei momo mahi ki te marea.
Hei tāna tonu, ‘tokoake te whakaaro nā runga i te mōhio, he tini tō mātou iwi, he tini tō tāua reanga kāore e Whai wāhi atu ki ēnei mahi, kāhore e paku aro atu ki ngā mahi o te iwi. Kei te kite au i ngā tau kua taha ake nei, te wehewehetanga o Te Arawa Lakes Trust ki ōnā uri, me te mōhio o ngā uri o ngā mahi a Te Arawa Lakes Trust, nā reira i tokoake te whakaaro kia whakauru i taku ingoa ēngari ehara i te mea he tuatahitanga tēnei mō tōku whānau. Ko taku tūpuna koroua ko Raurutimokonuiarangi, koia te heamana tuatahi o Te Rūnanganui o Te Arawa i tōnā wā.’
RELATED NEWS
