October 29, 2024

Mō te wā tauatahi kāore he aitua ki ngā rori i te mutunga wiki roa o Labour

Reuben Epiha Posted On October 29, 2024

Waatea Images

Mō te wā tuatahi horekau he tangata i aituā ki ngā huarahi o te motu i te mutunga wiki roa o Labour Weekend. Koia te taumata angitū rawa nō te kohinga tuatahi o ngā tatauranga aituā huarahi, ko te taumata o mua ko te kotahi aituā, nō te tau 2013.

Hei tā tētahi kaipirīhi nō te pokapū pirīhi huarahi ā-motu, hei tā Steve Greal ki a Irirangi Niu Tireni, he hua nui rawa atu tēnei kia kaua e kite he aituā ki ngā huarahi.

Hei tāna, kua nui ō rātou mahi i ngā tau tata kua hipa ki te whakapirihi i ngā huarahi 80km neke atu te tere, me te mea hoki ko tōnā 70% o ngā aituā ka puta ki ēnā momo huarahi.I tērā tau e ono ngā aituā, i te tau 2022, e rima, ā, e ono anō i te tau 2021.

Hei tā Greal tonu, nā te kaha piki ake o ngā motokā pirihi i ngā momo huarahi rā kua kite ngā hua.