He aha kei tua mō Whangamarino ki Waikato whai muri i te ahi nui?

Waatea Images

Ahakoa te pouri i te nui o te whenua i tahuna ki ngā kūkūwai o Whangamarino ki Waikato i ngā rangi tata nei, e hari ana a Te Papa Atawhai i te taunga o te ahi i tēnei wa, me te whakahokinga o te mana whakahaere i ngā whenua ki a rātou.

Koia ngā kōrero a te kaiwhakahaere a rohe a Te Papa Atawhai ki Waikato, koia tā Tinaka Mearns whai muri i te whakahokinga okawa a Te Whakaratonga Iwi i te mana tiaki i te whēnua ki Te Papa Atawhai i te Hātarei.

He neke atu i te kotahi mano heketea te rahi o te whenua i toro, ā, he rima rā te roa o te pakanga a ngā 50 kaipatuahi neke atu, me ngā wakatopa e waru ki a ia, ā, hei tā Mearns tonu kei te poho kereru rātou i te mahi nui kua tutuki i aua rima ra e tau ai te ahi ka tahi, ka rua, e whakahoki ai te mana tiaki i te whenua ki a rātou.

RELATED NEWS

E rima paua anake ināeanei: Bayden Barber Tōrangapū | Kei te tohe a Kahurangi Blue ki ōna mana o Nāhinara mō te Māori te take Ture Kaitautoko Haka | Kāore au e whakaae!