Listen Now: 
October 24, 2024
Whare Pāremata | Ka pāhōtia okawatia te whakapaha okawa a te kāwanatanga
Reuben Epiha
Posted On October 24, 2024
Kua whakatauhia ka pāpāhō mataora te whakapāhā okawa a te kāwanatanga ki ngā morehu i tūkino i a rātou i te marumaru o ngā whare kāwanatanga nō ngā tau 1960.
Nā te Minita whakarite i te urupare a te kāwanatanga, nā Erica Stanford te kōrero i whakaputa i tētahi pānui pāpāhō i te ata Tūrei.
Ka tū te kaupapa a te 12 o Noema ki ngā whare pāremata, ā, hei tā Stanford, ka timata te kaupapa ki ngā karakia me ngā mihimihi, katahi rātou ka whakarongo ki ngā kōrero a ētahi o ngā morehu, ka mutu, ka kapi te wāhanga o te hui ki ngā whakapāhā ōkawa nā ngā tumu o ētahi o ngā tari kāwanatanga e hāngai nei ki te take.
Hei tā Stanford, ā te 11.30am ā taua ata tonu tuku okawa ai te Pirīmia a Christopher Luxon āna whakapāhā mā tētahi hui pāpāhō, ā, ko Chris Hipkins ka whai tōtika i a ia.
Neke atu i te kotahi mano ngā mōrehu i rehita ki te kaupapa, ā, ka pāhōtia te kaupapa ki ngā wāhi rerekē ki Tāmaki Makaurau, ki Te Whanganui ā-Tara, ki Ōtautahi, ka mutu, ka pāhotia ki te Whakaata Pāremata anō hoki.
RELATED NEWS
