Poukai | He tata ki te 50 ngā tamariki i whakairiiri i Wāhi Pā i te ata tonu nei

E 41 ngā tamariki i whakairiiri ki ngā hāhi o Paimārie me te Perehipitīriana i raro i te mahaurangi o Tāne i te Pupuke i Wāhi Pā i Rāhui Pōkeka.

Koia ngā kōrero i puta i te pāhotanga mataora a te Kīngitanga ki te ipurangi i te poukai tuarua a Te Arikinui Kuini Nga wai hono i te po Potatau Te Wherowhero VIII.

Waihoki inānahi nei i kawea e te kuini te kawe mate o tana matua a Kīngi Tūheitia ki Wāhi Pā tangihia ai e ōna iwi maha.

I mate te kīngi tuawhitu o te Kīngitanga he kotahi marama ki mua a 69 ōna tau ka whetūrangitia.

Nō reira nō te ata nei whakaeke ai ngā iwi o te motu ki runga o Wāhi Pā hei mihi ki te kuini katahi, hei kawe i te aroha me te whakaaronui ki Te Arikinui hōu o te ao Māori.

Ā, ko te tikanga o tēnei poukai he hokinga mahara ki te rā i whakawāhingia e Kīngi Korokī e 91 tau ki mua.

RELATED NEWS

Ko ngā painga ka puta mai ko te hauora ō te tangata Katahi anō ka puta mai ētahi ō ngā kaitautoko ō Sam Kuha kua wikitoria Whitelock + Retalick = Wikitoria