October 07, 2024

He 15 ngā iwi e whakamātau ana i Te Ture Whahoro Pūāhei

Kawe Roes Posted On October 7, 2024

Kua tohu ngā iwi 15 kia mahi tahi ki te Karauna, e puta ai ā rātau kaupapa mahi mā Te Ture Whakahoro Pūāhei.

Koia ngā kōrero a te minita whanaketanga Māori a Tama Pōtaka i tāna pānui pāpāho inanahi.

Hei tāna ko te manako mā ēnei whanaketanga ā-mahi e kōkiri ai te oranga o te ōhanga Māori, me te whanake i te pito mata rawa Māori. E ai ki a Pōtaka, ko ngā iwi o Tainui, o Te Aupōuri, o Ngāi Tahu, me te Tarahiti o Tauhara ka mahi i ngā mahi.

Hei tāna ko tā Tainui, he whakawhānui ake i āna pakihi i Raukura, manohi anō ki Te Aupōuri, he pāmu ika tā rātau e whai nei.

Heoi anō, ko ngā mahi a Ngāi Tahu me Taurahara, kia kapo i ngā hihi a Tamanuiterā, kia rere tonu ai te hiko.

E ai ki a Pōtaka anō, he 15 ngā iwi ka whakapikinga i te ōhanga, te whakakaha i te pūngao whakahou, te keri rawa, me te whakatū whare.