October 02, 2024

Take Kaunihera | Kei whea te mātauranga Māori i te Mahere Ārai Waipuke?

Kawe Roes Posted On October 2, 2024

He uaua te whakatō i te wheako Māori ki ngā ritenga i te mahere ārai waipuke i Te Mātau a Māui.

Koia ngā kōrero a te heamana o Te Manatōpū o Tātau Tātau o Te Waiora a Leon Symes i te mahere i whakaritea kētia e ngā kaunihera.

E ai ki a Symes, kāore i te tika, kia karangahia he Māori ki te tēpu whiriwhiri, hei whakatakoto i te arohaehae ahurea mehemea mātua rā ko te pūtaiao, ā, mātāmuri ko te mātauranga Māori.

Hei tāna tonu, kāore anō kia kite ngā kaunihera o Te Wairoa me Te Mātau a Māui i te hua o te mātauranga Māori mō te tūpono ka puta he waipuke anō ki te takiwā.

Hei tāna, mai rānō te hanga, kua kitea e te iwi Māori ngā tini āhuatanga o te awa hei āwhina i ngā iwi o te wā nei.

Hei tā Symes hoki, kātahi anō rātau i oti te whakahōu i ngā whare e 25, i pākarukarutia e Huripari Gabriel e tata ki te rua tau ki mua.