September 27, 2024

Kua whakakorea ngā whakawhitinga i Te Moana-a-Raukawa

Kawe Roes Posted On September 27, 2024

Kei te pae tonu ki uta te waka whakawhiti i te moana o Raukawa, arā te waka o Bluebridge.

Koia ngā kōrero a te waka pāhihi i tō rātau whārangi ipurangi i te ata nei.

Waihoki e whā ngā whakawhitinga a te waka kōpiko a Connemara kua whakakorea i te Paraire nei.

Hei tā Bluebridge, he hua tēnei i te pakarutanga o te waka i tērā wiki, i te whatinga o te hiko i tana whakawhitinga ki Pōneke i te pō, ā, i pārete te waka pakaru a Connemara ki uta.

Ināianei kei te mahitahi tonu a Bluebridge me Te Rōpū Haumaru Aramoana kia whakatikahia e rātau te raru, ā, mātua rā ko te haumarutanga.

Hei tā Bluebridge kāore anō rātau kia mōhio hei āwhea rātau e whakahoki ai te waka ki ngā mahi o ia rā, otirā, ka panoninga te wātaka mehemea ka puta anō he raru.

Ināianei, kei te karanga a Bluebridge ki āna pahihi ki te whakapā atu ki ā rātau ki te whakatikahia ā rātau whakawhitinga i whakakore i Te Moana-a-Raukawa.