Listen Now: 
September 17, 2024
He haerenga tuatahi a Te Arikinui Kuini Nga wai hono i te po ki te Poukai
Kawe Roes
Posted On September 17, 2024
0
Nā te Kiingitanga te whakaahua nei o Te Arikinui i tana rā whakawahinga.
Nō te Rātapu nei, tū ai te Poukai tuatahi a Te Arikinui Kuini Nga wai hono i te po Potatau Te Wherowhero VIII ki runga o Ngāti Tāhinga i Te Pūaha o Waikato.
Ko tōna 300 tāngata o Tainui waka, me ngā iwi o Tamakaimoana, o Ngāti Pikiao, o Te Whakatōhea, o Ngāti Ranginui i whakarauika ki te tautoko i te kawe mate tuatahi a Kīngi Tūheitia.
Mangu katoa ana ngā iwi whakaeke, me te hau kāinga o Tauranganui marae i te kawe mate tuatahi a Kingi Tuheitia ki runga i ōna iwi o Tainui waka, ā, ka haria e te pouaru o te motu ki ngā poukai 21 o tēnei e haere ake nei.
Ka mutu, nā ngā iwi o te pūaha o Waikato, ngā waka ama e toru i whakatere ki te awa o Waikato, hei mihi ki te Kuini, me ngā iwi whakaeke.
E ono ngā poukai e toe ana i tēnei tau, ā, hei te 8 o Oketopa noho ai te Kuini ki Waahi Paa, he rā wairua tēnā ki te Koroneihana a Kingi Koroki tata ki te ono tekau tau ki mua.
RELATED NEWS
